Addan idiay Las Vegas Nevad, USA ti pamilia a Paquiao, sakbay ti naituding a laban ti agmaymaysa nga 8-Division world champion inton Hulio 20.
Kadua ni Manny ti asawana a ni Jinkee ken dagiti lima nga anakda.
Iti maysa a post iti social media account, dinakamat ti Filipino boxing legend ti pamilina kas kapategan iti amin, banag a pagragragsakanna gaputa kumpleto dagitoy idiay Las Vegas.
Naituding comeback fight ni Pacquiao idi Hulio 20 iti MGM Grand Arena kontra kenni World Boxing Council welterweight champion Mario Barrios.
Padasen ni Pacquiao nga alaen ti welterweight belt ti American boxer.
Daytoy ti umuna a gundaway a makibalubal ti Filipino boxer manipod idi naabak daytoy kenni Yordenis Ugas idi 2021.
Nagleppas ti nasao a laban babaen iti unanimous decision a pabor iti Cuban boxer.
Iti agdama, imet ni Pacquiao ti 62-8 win-loss record iti tawenna a 46 bayat a ti rekord ti agtawen ti 30 a ni Barrios ket 29-2.
