BAGUIO CITY – Manamnama a malpas ti manarimaan a panagadal para iti panakatarimaan ti Sewage Treatment Plant ti Baguio City ita a bulan.
Sigun kenni Mayor Benjamin Magalong, linaon ti panagadal dagiti addang nga aramiden ti lokal a gobyerno para iti proyekto ken ti maaramat a pondo.
Kinunana a mapattapatta a dumanon iti $100-M ti utangen ti lokal a gobyerno para iti nasao a proyekto nupay rumrumwar iti panagadal a dumanon laeng iti $60-M ti masapol para iti daytyoy.
Dinakamatna a panggep ti proyekto a maitarimaan ti pakabuklan a sewerage system ti syudad nangruna ta daanen dagit kagawaan ti agdama a Sewerage Treatment Plant ti Baguio.
Manarimaan metten ti koordinasyon ti lokal a gobyerno ti Baguio kadagiti maseknan nga ahensya para iti panakaala ti kasapulan a pondo tapnu marugian ti nasao a proyekto.
