Nagpalagip ni President Ferdinand “Bongbong” Marcos Jr. nga agannad ti publiko kadagiti palso a damag, disinformation, ken “misinformation” nga us-usaren dagiti kandidato iti eleksion kagiddan ti panawen ti panagkampania sakbay ti masungad a nasional ken lokal nga eleksion inton Mayo.
Sigun kenni President Marcos Jr., rumbeng a mailasin dagiti Pilipino nu pudno wenno saan dagiti maawatda nga impormasion nangruna ti linaon ti “online.”
Kinunana a kadwa iti panagkampanya dagiti intriga ken panangibato iti maaw-awagan a fake news, isut rason a kasapulan nga agannad dagiti umili.
Ni President Marcos ket nakikadua iti nagduduma a kampania ti Alyansa Para Sa Bagong Pilipinas nga inyen-endorsona.
Iti panagbitlana, kiniddaw ni President Marcos Jr. kadagiti Pilipino a botante a pilyen dagiti kandidato nga agtuloy nga agtrabaho ken agserbi iti Pilipinas.
