Nirugianen ti Department of Education (DepEd) ti panagaplikar iti Senior High School Voucher Program para iti school year 2024-2025.
Iti nasao a programa, makaawat dagiti makwalipikar nga estudyante iti senior high iti subsidy babaen iti voucher.
Gapu iti daytoy, maal-allukoy dagiti nakwalipikar a voucher applicants nga agisubmitir dagitoy iti aplikasyonda babaen iti Online Voucher Application Portal (OVAP).
Sigun iti Department of Education (DepEd), ti deadline para iti panagaramid iti Online Voucher Application Portal (OVAP) account ket inton Hunyo a dos, bayat a ti deadline para iti panangisubmitir kadagiti kasapulan a dokumento ken aplikasyon ket inton Hunyo a kwarto iti agdama a tawen.
Manamnama a mairuar ti resulta dagiti nagaplikar kasta met dagiti qualified voucher applicant (QVA) certificate inton Hulyo a dose.
Inyunay-unay met iti Department of Education (DepEd) nga agingga inton Setyembre a trese ti pannakarairuar dagiti nasao a certificate.
Kabayatanna, impalagip ti nasao a departamento a saanen a kasapulan nga agaplikar iti voucher dagiti nakwapikar nga estudyante pakairamanan dagiti estudyante a nakapasa para iti grade 11 manipud kadagiti public ken private schools a karaman iti Education Service Contracting grantees inton sumaruno a tawen.
Nupay kasta, saan a kualipikado iti nasao a voucher program dagiti estudyante a nagleppas ti highschool idi 2015, bayat a dagiti incoming Grade 12 ket saanen a karaman iti Senior High School Voucher Program kasta met dagiti gangganaet nga estudyante.
