PHILIPPINES – Mapagdandanagan ita ti nasaknap a panaginom ti arak ken panagaramat ti e-cigarettes dagiti agtutubo iti sangalubongan.
Maibasar iti survey nga impatungpal ti World Health Organization’s (WHO) European branch manipud iti 280,000 nga agtutubo nga agtawen ti 11, 13 ken 15 manipud Europe, Central Asia ken Canada, naipakita ti pakaseknan a ladawan maipapan iti panagaramat ti nasao a substance kadagiti agtutubo.
Naduktalan a 57% kadagiti agtawen ti 15 ket mamingsan a nakaraman ti arak nu sadino 59% kadagiti babbai bayat a 56% kadagiti lallaki.
Mangipakpakita daytoy iti dagus a panakatignay ken panakabukel ti nasaysayaat a pagannurotan tapno masalakniban dagiti ubbing ken agtutubo manipud iti panakadangran a patauden ti arak.
Malaksid iti dayta, ngimmato ti panagaramat iti e-cigarettes wenno vape kadagiti agtutubo iti baet ti panagbaba ti kaso ti panagsigarilyo.
Agarup 32% kadagiti agtawen ti 15 ket nagaramat ti e-cigarette.
Gapu iti dayta, makidkiddaw ti panakaipangato ti buis, panakaipaay ti restriksion iti availability, advertising ken panakaiparit dagiti flavoring agents
Kabayatanna, bimmaba met iti 12% ti panagaramat ti cannabis iti nasao nga edad.
