BAGUIO CITY- Kidkiddawen ni Honarable Arthur Carlos ti Barangay Captain ti Irisan, Baguio City, kadagiti umili iti masakupanna a barangay a nasken nga agbalin responsible pet owner kadagiti taraken dagitoy partikular dagiti aso.
Iti pannakiuman ti Bombo Radyo kenkuana, kinuna a saan a maiparit ti panagtaraken ti aso agsipud ta napateg unay ti akemna daytoy iti pagtaengan kas iti panagtaolna no adda ti baro a tao a sumangbay iti pagtaengan ken dadduma pay.
Nupay kasta, kasapulan nga igalot daytoy agsipud ta delikado apaman nga adda ti makagatanna a tao.
Malaksid iti dayta, agiwara pay dagitoy ti basura partikular no tiempo ti panagbabasura iti nasao a barangay, ken agtakki metlaeng dagitoy kadagiti kalkalsada.
Gapu iti daytoy, maiyu-unay iti umili iti nasao a barangay ken kadagiti metlaeng publiko nga adda tarakenna nga aso a nasken nga igalut dagiti taraken.
