--Ads--
Opisyalen nga indeklara iti state weather bureau a nagleppasen ti Southwest Monsoon wenno ti Habagat.
Mangipasimudaag daytoy a nalpasen ti panagtutudo para ita a tawen.
Gapu iti dayta, manamnama metten a mangrugi ti Northeast Monsoon wenno ti Amihan a mangipaay met iti nalamlammiis a temperatura nangruna iti amianan ken daya a paset iti pagilian.
Posible nga opisyal a maideklara ti panagrugi daytoy kadagiti umay a lawas gapu ta kadawyan a mangrugrugi daytoy tunggal ngudo iti Oktubre wenno rugi iti Nobyembre ken agbayag agingga bulan ti Marso.
