Maiparit mangrugi ita nga aldaw ti aniaman a kita ti panagkampania gaputa ipatungpal ti Commission on Elections (Comelec) ti mandatory campaign silence period sakbay ti aldaw ti eleksion.
Daytoy ket kagiddan metlaeng ti panangiyemplementar ti liquor ban iti pagilian.
Idagdagadag ti Commission on Elections kadagiti kandidato ken mangsupsuporta a rugianda nga ikkaten dagiti campaign materials pakairamanan dagiti dadakkel a tarpaulins gaputa maikonsidera dagitoy a panaglabsing iti pagannurutan ti eleksion.
Dinakamat pay ni Comelec Chairman George Erwin Garcia a saan a mailaksid dagiti digital platform iti campaign ban.
Kabayatanna, iti mismo nga eleksion, impalagip ti nasao nga ahensia kadagiti kandidato a liklikan ti agrikus kalpasan ti panagbotos gaputa mabalin a maibaga daytoy kas maysa a kita ti last-minute campaigning.
Guyguyuguyen met ti nasao nga ahensia nga agtalianed a naridam ken ireport dagiti aniaman a panaglabsing tapno maipasiguradp ti nadalus ken nasayaat nga eleksion.
