Manarimaanen ti panagmula dagiti mannalon wenno flower gardener iti rehiyon Cordillera.
Daytoy ket tapno umdas ti suplay ti sabong inton aldaw ti kararua wenno bulan ti Nobiembre.
Iti interview ti Bombo Radyo kenni Andy Colte Sr., Cut Flower Industry-CAR, nangrugida a nagmula ita a bulan ken agtultuloy agingga Hulio, iti agdama a tawen.
Karaman kadagiti imulmula dagitoy ket ti Chrysanthemum, rosas ken amin a kita ti sabong.
Malaksid iti panagmula dagitoy, manarimaan metlaeng ti panangiyurnosda kadagiti greenhouses tapno ad-adda a masalakniban ken nasayaat ti panagdakkel dagiti sabong iti posible nga epekto ti La Nina phenomenon.
Kabayatanna, sumaysayaaten ti panaglako ti sabong dagiti cut flower vendors iti siudad ti Baguio, nu idilig iti napalpalabas a bulan ken tawen.
Patien ni Colte a makasubbot ti kita iti panaglako dagiti cut flower vendors.
