![](https://img.bomboradyo.com/baguio/2021/12/naguilian-demolition-road-right-of-way.jpg)
BAGUIO CITY – Maiyap-apela ti saan a panagparada dagiti addaan ti lugan kadagiti kalsada ditoy siudad ti Baguio a naipasidong iti road widening.
Inyunay-unay ni City Administrator Engr. Bonifacio Dela Peña a kanayon ti panangi-report-da iti Traffic Enforcement Unit ken iti Public Order and Safety Division kadagiti lugan a makitkitada a nakaparada kadagiti paset ti napalawa a kalsada.
Impettengna a napalawa dagiti kalsada ti siudad tapnu mapalukayan ti taray ti trapiko ken saan ketdi a para iti paradaan.
Kidkiddawenna met ti dagus a panangireport ti publiko kadagiti maseknan nga opisina dagiti makitada a lugan a nakaparada iti napalawa a paset ti kalsada tapnu maipasidong dagitoy iti towing wenno maikkatan ti plaka.
Ipalpalagip pay ni Engr. Dela Peña ti kaadda ti Anti Road Obstruction ordinance ti syudad
gapu iti dayta, kidkiddawenna a nasken a suruten ken tungpalen daytoy ti publiko