Nagballa-ag ti National Disaster Risk Reduction and Management Council (NDRRMC) kadagiti residente seknan iti posible nga ashfall manipod iti Kanlaon Volcano.
Daytoy ket kasaruno ti panangiruar iti nasao a bulkan ti ash ken plumes iti agingga 500 a metro kangato manipod iti wangawangan wenno crater daytoy itay laeng agsapa.
Mainaig iti dayta, immuna metten a nagpaawag ti response cluster ti Regional Disaster Risk Reduction and Management Council- Negros Island Region idi Hwebes iti naing-inget a koordinasyon ken panagsagana para iti posible a panakaingato ti alert level ti nasao a bulkan.
Maipalagip a nainget a mabanbantayan ti volcanic activities ti bulkan kalpasan ti tallo a nagsasaruno a moderately explosive eruptions itay nabiit.
Iti agdama, naka-preposition dagiti food ken non-food items kaspangarigan maipangato iti maikatlo ti lebel ti alerto para iti daytoy.
