Kiddaw ni Engr. Charles Bryan Carame, City Disaster Risk Reduction and Management Council (CDRRMC) Chief-Earthquake Preparation iti siudad a rumbeng a seryosoen ti publiko dagiti maipatpatungpal nga earthquake drill.
Iti panakiuman ti Bombo Radyo kenkuana, namnamaenna a sapasap kuma ti panakaipatungpal ti nasao nga aktibidad no sadino nasken a pakipasetan daytoy iti tunggal maysa, saan laeng a dagiti opisyal ti gobyerno, dagiti pagadalan no diket pakairamanan dagiti residente.
Sigun kenni Engr. Carame, rumbeng met ti koordinasyon ti tunggal maysa tapno no adda ti didigra ket ammo dagitoy ti ar-aramidenda.
Inyunay-unayna a ti panagsagana ket saan laeng a trabaho dagiti local government units no di ket kasta met laeng dagiti residente.
Daytoy ket tapno magun-od ti mas nasaysayayaat ken nakasagana a siudad.
Kinuna ni Engr. Carame nga iti siudad ti Baguio ket adda iti agarup uppat a faultline, ti Mirador, San Vicente, Loakan, ken Burnham a mabalin a mangtrigger no mapasamak ti “The Big One.”
Gapu iti dayta, ado dagiti panagsagana dagitoy nangruna ket naituding met a bumisita ti National Office of the Civil Defense para iti panaka-assess iti City of Pines no kasano kasagana ti siudad iti ginggined.
