![](https://img.bomboradyo.com/baguio/2021/04/LTFRB.jpg)
BAGUIO CITY – Ad-adalen ita ti Land Transportation Franchising and Regulatory Board (LTFRB- Cordillera) ti posible a pannakaituloy ti operasyon dagiti bus paturong iti nagduduma a lugar iti Rehiyon 1.
Sigun kenni LRTFB CAR- Regional Director Engr. Lalaine Sobremonte, inrekomendarda ti pannakailukat manen ti siudad kadagiti umili manipod iti Ilocos Region tapno maipaayan ti gundaway dagiti bus drivers/operators nga agbiahe.
Kinunana a kabayatan ti taripnongna iti LTFRB Region 1 ket inwaragawagda nga immanamong ti lokal a gobierno ti Pangasinan, Ilocos Sur ken Ilocos Norte malaksid laeng iti La Union.
Inlawlawagna nga iti kanito a maituloy ti operasyon ti inter-regional buses ket irekomendarda iti LTFRB Central Office ti issuance ti memorandum circular gaputa dagitoy ti mangipaulog iti special permit ken QR Codes.
Impettengna a tarigagaydan a makabiahe dagiti bus drivers tapno maipaayan dagitoy ti panggedan ngem nasken a masurot latta dagiti minimum health standards.
Kabayatanna, imbinglayna a magagaran metten dagiti bus drivers ken operators a maituloy ti operasyon dagitoy.
Kabayatanna,
Nainget ti panagwanawan ti Land Transportation Franchising and Regulatory Board (LTFRB- Cordillera) kadagiti parapubliko a luglugan iti nagduduma a lugar iti rehiyon Cordillera kas paset iti panag-obserbarda iti Semana Santa.
Sigun kenni LRTFB-CAR Regional Director Engr. Lalaine Sobremonte, iwanwanawanda ita dagiti parapubliko a luglugan nga agbibiahe iti agdama no addaan dagitoy iti special permit para iti panagbiahe dagitoy, drivers liscense ken dadduma pay.
Kinunana a kitkitaenda metlaeng no sursuruten dagiti para-publiko a luglugan dagiti minimum health standards, ti kapasidad dagiti lugan, ken ti 7 commandments ti panagbiahe a nasken a maipatungpal ita a panawen ti pandemya.
Nupay kasta, kinunana a numan pay kurang ti miembro dagitoy a mangipatungpal iti monitoring ket kinunana a tutukanda latta ti nasao a banag tapno maipanamnama ti seguridad dagiti commuters.
Innayunna a nainget metlaeng a matuttutukan dagiti amin a reklamo dagiti commuters ken ginuyugoyna pay dagiti commuters nga no addaan dagitoy ti reklamo ket agturongda laeng iti opisina dagitoy.