BAGUIO CITY – Ad-addalen ita ti lokal a gobierno ti La Trinidad ti panakaaramat manen ti staging area sadiay Wangal, La Trinidad para kadagiti mannalon ken truckers nga agdeldeliver iti nateng kadagiti nagduduma a trading areas sadiay.
Sigun iti gobernador, kiniddaw ti ama ti La Trinidad ti panakaaramat manen ti staging area sadiay Wangal tapnu maliklikan ti nailet a gunay ti trapiko a resulta ti manamnama a panagado manen dagiti truck nga agibiyahe iti nateng ita nga holiday season.
Kinunana a nangrugin a mapasaran ti nailet a trapiko iti nadakamat a munisipyo gapu iti panagsang-at dagiti ado a truckers kagiddan ti panagado dagiti turista nga agturturong it nasao nga ili.
Inyunay-unayna a babaen metlaeng iti daytoy ket mapalukayan ti dua a trading areas iti munisipyo ken maipanamnama ti panakasurot ti minimum health standards.
Immunan a kinuna ti mayor ti La Trinidad a pagsagsaganaanda ti pannaka-imanehar ti traffic scheme para kadagiti motorista nga umuneg ken rumwar kadagiti kangrunaan a trading centers sadiay kas titi Benguet Agri Pinoy and Trading Center (BAPTC) ken ti La Trinidad Vegetable Trading Post. (report ni Bombo Janice Juanito)
