Inaklon iti Commission on Elections (COMELELEC) a maysa a pangta para iti panakaisayangkat iti eleksyon ti disinformation, misinformation, ken malinformation.
Sigun kenni COMELEC Spokesperson Director John Rex Laudiangco, ti sersyoso a pangta ti deepfakes ken dagiti AI-manipulated content ket ad-adda pay a kumarkaro rason nga ad-adda met a kumarkaro ti parikut para iti umadanin a 2025 National Elections.
Sigun iti opisyal, mabalin a maaramat dagiti peke a video a naaramid babaen iti Artificial Intelligence(AI) tapno maallilaw ti kapanunutan dagiti botante.
Kas addang tapno malapdan daytoy, manarimaanen ti panakikoordinar ti poll body kadagiti nagduduma nga organisasyon iti media ken technology company tapno ikkaten dagiti accounts nga agiwarwaras iti palso nga impormasyon iti online.
Malaksid iti dayta,kidkiddawen ti nasao nga ahensya kadagiti maseknan iti agdama a Kongreso a mangbukel dagitoy iti paglintegan a mangpaksyat iti disinformation ken mangdusa kadagiti adda iti likudan ti panagwaras dagitoy.
