BAGUIO CITY- Binilin ni Mayor Benjamin Magalong ti Baguio City Police Office iti pannang-ikkatda kadagiti tarpaulin wenno poster a mangitudtudo kadagiti lokal nga aktibista iti pakai-naiganda kadagiti communist movement ti New People’s Army (NPA).
Kasaruno daytoy iti naangay a taripnongda kadagiti aktibista ken sumagmamano nga studyante a nangipeksa iti panagbutengda gapu iti maatap nga online harrassment a mapaspasaran dagitoy kasaruno ti red-tagging ken pannakaipablaak ti naganda kadagiti tarpaulins nga adda ti pakainaiganda kadagiti komunista a rebelde.
Sigun iti Mayor ken mangidadaulo ti Cordillera Regional Peace and Order Council, kiddawenna iti pannakaadal nu kasano iti implementasyon ti Cordillera’s anti-insurgency program ditoy syudad.
Inlawlawagna nga iti kanito a makarika dagitoy a grupo iti panagbuteng ket mangipaspasimudaag laeng daytoy nga addaan daytoy iti parikot kas chief executive.
Gapu iti dayta, nagbalin a nainget ti pammilinna ken Baguio City Police Office – City Director Pol. Col. Glen Lonogan iti saanda a panangimuntar kadagiti nasao a klase ti posters iti siudad.
