BAGUIO CITY- Naipanamnama iti dagus a pannakaileppas dagiti amin a road projects iti probinsya ti Benguet
Sigun ken Congressman-elect Eric Go Yap, a saan a mabaybay-an dagiti nalukatan a kalsada iti probinsya.
Kinunana a nasken a masemento dagitoy tapnu saan a masayang ti nailatang a pondo.
Imbinsabinsana a dagiti nalukatan a kalsada ket masarakan sadiay Tacadang Kibungan, Kayapa Bakun, Dalupirip Itogon ken Ansagan, Tuba.
Dinakamat na a nasken a matutukan dagiti nasao a proyekto tapnu maileppas iti las-ud ti tallo a tawen.
Kabayatanna, innayunna a karaman kadagiti proyekto daytoy ti pannakaituloy dagiti kanayunan a farm to market road para iti panakapasayaat pay ti agrikutura iti probinsya, water system ken subsidiya para kadagiti mannalon iti Benguet.
Kinunana pay a kiddawenna ti tulong ti madutokan a baro a Secretary ti Department of Agriculture para iti panakaipatungpal dagiti daduma pay a proyekto ken programa mainaig iti panangpadur-as ti agrikultura iti Benguet.
