BAGUIO CITY – Panggep ti City Veterinary Office nga ipangato ti multa dagiti saan a responsable a pet owners ditoy siudad ti Baguio.
Sigun kenni City Veterinarian Dr. Brigette Piok, kayatda a manipud iti agdama a P200 a multa dagiti irresponsible pet owners ket maipangato iti P1,000.
Mangnamnamada a babaen iti nasao nga addang ket saanen a labsingen dagiti addaan taraken dagiti pagalagadan iti umno a panagtaraken dagitoy.
Kinunana a paset daytoy ti pammilin ken kampanya ni Baguio City Mayor Benjamin Magalong a responsable a panagtaraken ti aso.
Pinagyamanan met ni Dr. Piok dagiti sumagmamano a barangay ditoy siudad nga agtungtungpal iti ordinansa seknan iti panagtaraken.
Guyguyuguyenna pay dagiti umili kadagiti dadduma a babbarangay ditoy Baguio iti panagbalinda a responsable a pet owners tapno marisoten ti parikot nga ituntunda dagiti agwalang-walang nga aso. (-with Bombo Brigitte Marcasi)
