Mangrugi ita a lawas ti baro a systema ti registration ti Land Transportation Office wenno ti Land Transportation Module System kadagiti agparehistro para iti lisensya.
Iti pannakiyuman ti Bombo Radyo kenni Land Transportation Office Regional Director Francis Ray Almora, nagbalin a parikut ti printing device iti napasamak a delay iti panaka-imprenta dagiti drivers license iti napalpalabas.
Nupay kasta kinuna ti opisyal a kasapulan itan ti biometrics kadagiti baro nga agparehistro.
Sigun pay iti opisyal, nagbalin a problema ti panag-operate dagiti emission centers iti Baguio City rason a madeldelay ti registration dagiti agparehistro nga indibidual gapu ta kasapulan nga agtaud iti Department of Transport wenno DOTR ti accreditation dagiti emission testing centers.
Inlawlawag ti opisyal a kadawyan a rason ti saan a panag-operate dagiti emission testing centers ket ti panaka-rebook dagitoy gapu iti panaglabsing iti pagalagadan ti DOTR, panaksuspendir ti operasyon, ken ti saan a panaka-renew ti permit gapu iti nagdudum a rason a kas iti saanda a natungpal a pagaladagadan.
Kagiddan dayta, kinuna ti opisyal a rumbeng nga a sumurot dagiti emission testing centers kadagiti pagalagadan nga impaulog ti DOTR tapno agsubli ti operasyonda.
