![](https://img.bomboradyo.com/baguio/2021/04/BUSOL-DEMOLITION.jpg)
BAGUIO CITY – Makidkiddaw ti panakaisina ti paset ti Busol watershed forest reserve iti masakupan ti Baguio City a nabalayanen tapnu mapagbalin a residential area.]
Sigun kenni Atty. Bernard Padang, overall coordinator ti Ambiong-Baguio, East Bayan, Brookspoint, Pacdal, and Peripheries Federation, 900 agingga 1,000 a babbalay ti naipatakder iti masakupan ti nasao a forest reserve, partikular iti paset ti Ambiong-Baguio, East Bayan, Brookspoint ken Pacdal.
Impettengna nga adu a dekada a nagtalinaed dagiti kapututan ti uppat a claimants a da Gumangan, Molintas, Kalomis ken Rafael iti nasao a disso isut gapuna a nasken kuma a maipaayen kadakuada dagiti inukuparda a paset ti forest reserve tapnu mapagbalin a residential area.
Dinakamatna a nagkiddawdan iti tulong iti kongresista ti siudad para iti panakaipila ti gakat sadiay Kongreso para iti panakaisina ti nabalayan a Workingmen’s Village manipud iti pakabuklan ti forest reservation.
Inyapelada iti lokal a konseho ti panakaikonsidera dagiti pakaseknanda ken ti laeng wagas tapnu masalwadan dagiti residente sadiay nga addaan iti lehitimo a land claims ket ti panakaisina ti inokuparda iti forest reservation.
Inyunay-unayna nga 18-20% manipud iti pakabuklan ti watershed ti makidkiddaw a maisina ken mapagbalin a residential area