BAGUIO CITY – Makikaykaysa ti Baguio Correspondents and Broadcasters Club iti panagprotesta dagiti agilaklako ti sidewalk newspaper iti plano ti lokal a gobyerno a panakapapanaw dagiti newspaper stands manipud iti pwesto dagitoy.
Kinuna ti grupo dagiti journalists ken broadcasters iti siudad a dagiti agilaklako iti sidewalk newspapers ket messengers metlaeng ti impormasyon.
Kinunada nga adda met ti kontribusyon dagiti newspaper vendors iti ekonomiya ti siudad ken dakkel ti akem dagitoy iti panakaiwaras ti damag ken impormasyon.
Inyunay-unay pay ti grupo a saan met a makasinga kadagiti pagnaan dagiti newstands gaputa nakasanggir dagitoy iti pader iti sidewalks wenno iti pasdek.
Naamuan a naipaayan dagiti nasao a vendors iti agingga December 20 iti agdama a tawen tapnu panawanda dagiti pwesto nga inukuparda iti adun a tawen.
