--Ads--
Impetteng ni Senator Robinhood Padilla a saanna nga itulok nga arestaren ti International Criminal Court (ICC) ni Senador Ronald “Bato” dela Rosa.
Daytoy ti kinuna ti Senador kasaruno ti damag a naipaulog ti arrest warrant kontra kenni dela Rosa, gapu iti maatap a pakainaiganna iti extrajudicial killings ti war on drugs ni sigud a Pangulong Rodrigo Duterte.
Sigun kenni Padilla, daytoy mismo ti mangitudo iti lokasion ni dela Rosa no ti Pilipinas ti mangarestar iti senador.
Nupay kasta, agingga a gangganaet ti mang-arestar iti senador ket saanna nga aramiden daytoy agsipudta sigun kenkuana, arigna a niliputanna ti umili.
