Idagdagadag iti Baguio City Disaster Risk Reduction and Management Office dagiti pagadalan iti siudad a mangbukel iti disaster risk reduction and management (DRRM) plans maibasar iti aktual a hazards, resources ken kasasaad, imbes a mangnamnama laeng iti generic templates.
Sigun kenni Baguio City Disaster Risk Reduction and Management Office Officer Engr. Charles Bryan Carame, kasapulan a kritikal, updated ken maawatan iti school personnel, learners ken dadduma pay nga stakeholders dagiti Disaster Risk Reduction and Management ken contingency plan.
Iti Multi-Sectoral Meeting on School Safety and Security idi Agosto 20, ginuyugoy ni Carame dagiti pagadalan nga ammuen ti dua a kangrunaan a hazard ken mangidatag iti nalawag a response, evacuation ken coordination procedures.
Impaganetgetna ti kinapateg iti pannakikoordinar kadagiti barangay ken lokal nga Disaster Risk Reduction and Management (DRRM) authorities, nangruna iti panagduktal iti natalged nga evacuation areas.
Sigun kenni Carame, kasapulan ti regular a panangisayangkat iti drills ken simulations tapno mapadas dagiti plano ken maduktalan dagiti kinakurang.
Kabayatanna, isaksakad iti siudad ti maysa nga ordinansa tapno papigsaen ti Disaster Risk Reduction and Management requirements kadagiti pribado a pagadalan, karaman ti nalawlawag a koordinasion iti city ken barangay authorities.
Impaganetget ni Carame a ti natalged a pagadalan ket saan a dagiti mangnamnama iti awanan didigra, nu diket ti pagadalan a nakasagana a dumteng ti didigra.
