Makidkiddaw kadagiti motorista iti Rehion Cordillera nga alaendan dagiti plaka iti luglugan wenno motorsiklo dagitoy kadagiti district offices iti Land Transportation Office.
Iti datos nga imbinglay ni Retired Police Brigadier General Glenn Dumlao, Regional Director iti Department of Transportation-Cordillera, ti Baguio District Office iti addaan iti kaadwan a plaka iti motor vehicle a saan pay naala dagiti agtagikua nu sadino, dumanon daytoy iti 12, 133.
Dumanon met iti 7723 a replacement plate ti iggem ita iti Benguet District Office.
Kabayatanna,689 a motor vehicle plate ti adda iti District Office iti Abra, 46 idiay Ifugao, 261 idiay Kalinga, bayat a 172 met a replacement plate ti adda idiay Mt. Province.
Sigun kenni Dumlao, puntiryada a maipaay dagiti plaka kadagiti agtagikua agingga July 15 partikular iti Baguio ken Benguet.
Mainaig iti dayta, imbinglay ti opisyal a makikokoordinarda kadagiti local government units nangruna kadagiti presidente iti Association of Barangay Captains para iti panakaipaay ti listaan dagiti motorista a saan pay nangala kadagiti plakada tapno agturong dagitoy kadagiti maseknan a district offices iti Land Transportation Office iti rehion.//Bombo Rob Dominguez
