Naituding ita nga aldaw a maiparit ti panangilako kadagiti disposable vapes idiay United Kingdom gaputa agbalbalin a pakaseknanda ti basura nangruna dagiti single-use devices.
Ti posision a panangiparit ti United Kingdom ket umuna a pagilian manipod kadagiti pagilian idiay Europe a mangaramid ti linteg kontra kadagiti disposable vapes, kasaruno ti kapada a tignay idiay France ken Belgium.
Mapatta-patta nga 8.2 million disposable vapes wenno katukad ti sangapulo ket tallo iti tunggal segundo– dagiti maibelbelleng idiay United Kingdom iti tunggal lawas, kas maibasar iti analysis nga inruar ti environmental group a Material Focus idi Disiembre idi napalabas a tawen.
Inladawan ti gobierno ti United Kingdom a dagiti disposable vapes ket “eyesores,” ken kinunana a dakkel ti epektona dagitoy iti aglawlaw ken iti “wildlife.”
Patien ti nasao a gobierno a makatulong ti pannakaiparit a manglapped iti panagngato dagiti agtutubo nga agar-aramat ti vape.
Gapu iti nasao a balakad, rinugian metten dagiti major vape manufacturers nga agaramid iti vape a maibagay iti produktoda sakbay a maipatungpal ti linteg.
