Kidkiddawen ni La Trinidad Mayor Romeo Salda ti panangiwanawan ti Department of Public Works and Highways (DPWH) iti inaramidda a tunnel para iti Bolo Creek para iti kina-epektibo daytoy nangruna ita a panawen ti panagtutudo.
Daytoy ket tapno maliklikan manen ti panakalayos iti Strawberry farm nga immunan a napasaran idi napalpalabas.
Daytoy ket gapu iti saan a panakasurot ti specifications ti proyekto nu sadino nangato ti lebel ti tunnel imbesa nababa ti panakaaramidna.
Gapu iti dayta, kinuna ni Salda a rumbeng nga agaramid ti departamento ti sabali a desinyo apaman a saan nga ag-eppektibo ti naaramid a tunnel.
Innayona pay a rumbeng ti panakaaramid ti master plan para iti drainage canal iti Bolo creek tapno nasayaat ti panag-ayos ti danum.//Bombo Mera Pacpacan
