Impaganetget ni Ombudsman Jesus Crispin Remulla a ti panaglaban iti korapsion ket saan a rumbeng a limitado iti imbestigasion ken panagtingiting, nu diket rumbeng metlaeng a nakapokus iti nalawa a reporma kadagiti institusion.
Iti panagbitlana iti maika-7 a Global Conference on Sustainable Development Goals 16 iti United Nations Headquarters idiay United Kingdom, kinuna ni Remulla a ti korapsion ket saan laeng nga isyu iti legal nu diket maysa a pakaseknan a mangdadael iti talek iti publiko ken mangpakpakapsut kadagiti institusion.
Sigun kenkuana, rumbeng a mapabasol dagiti opisial nga aglablabsing iti linteg, ngem kagiddan daytoy ket kasapulan a sukimaten nu sadinno ti nagkurangan ti sistema a nangitunda iti korapsion.
Impaganetgetna a ti panangpapigsa kadagiti addang iti prevention, digital transformation, ken koordinasion iti nagduduma nga ahensia, karaman ti pannakikoordinar iti Korte Suprema para iti natibtibker a justice sector cooperation.
Iti tengga iti imbestigasion kadagiti mapapati a naanomalyaan a flood control projects, kinuna ni Remulla a dagiti kapada a panawen ket rumbeng nga agserbi a gundaway para iti reporma ken panangpatibker kadagiti institusion.
Innayonna pay a napateg a paneknekan iti gobierno a maikari daytoy iti talek iti publiko babaen iti epektibo a serbisio ken pudno a responsable.
