Maiyunay-unay a ti panangliklik iti panagraira iti sakit a Dengue ket maysa a ‘shared responsibility’ nu sadino, masapol ti partisipasyon ti amin nga umili.
Gapu iti dayta,maipalpalagip ti panagdalos iti aglawlaw saan laeng a kadagiti pagtaengan nu di ket uray kadagiti lugar ti pangpanggedan.
Sigun paylaeng kenni Dr. Celia Flor Brillantes,masapol a kitaen a naimbag dagiti posible a pagbalayan wenno pagitlugan dagiti lamok nangruna dagiti danom a nakatiwangwang a saanen maar-aramat ken daduma pay.
Malaksid iti dayta, makidkiddaw ti partisipasyon iti amin nga umili iti maisaysayangkat nga Alas-Kwatro Kontra Mosquito campaign a naiyuswat idi laeng February 24.
Kasta metten a makidkiddaw ti panagtulnog iti Denguera iti Baguio City, maysa a tignay wenno ordinansa para iti panakapaksyat dagiti breeding sites iti lamok.//Bombo Rob Dominguez
