Manamnama nga inayon ti Department of Education (DepEd) iti leksyon dagitoy dagiti negatibo nga epekto ti panagaramat iti vape wenno e-cigarettes ken tabako.
Daytoy ket kagiddan ti panagngato dagiti maipadpadamag nga agtutubo nga agar-aramat iti daytoy.
Gapu iti daytoy, manamnama a mainayon iti naribisar a leksyon para kadagiti kindergarten agingga Grade 10 (K-10) curriculum.
Sigun kenni Department of Education Assistant Secretary Dexter Galban kasapulan a maging aware dagiti agtutubo maipanggep iti daytoy tapno mas mapalawa pay ti pannakaammo dagitoy.
Iti MATATAG K-10 curriculum, mainayon ti topiko maipapan paylaeng iti vape ken tabacco kadagiti nagduduma a subjects partikular iti health components.
Kabayatanna, nagballaag met ti Department of Health kadagiti Filipino mainaig kadagiti manamnama nga epekto ti panagaramat iti sigarilyo manipud kadagiti tobacco products, vapor products, ken heated tobacco products.
