Isingsingasing ti Department of Education a baliwan ti agdama a curriculum nangruna iti Senior High School (SHS) para iti umadanin nga school year 2025-2026.
Iti kalkalpas a naangay a consultation para iti proposed enhanced senior high school curriculum ti Department of Education, makissayan ti bilang dagiti strand ken subjects nga adalen dagiti studyante.
Iti pannakiuman ti Bombo Radyo kenni Jennifer Ande , doctor of philosophy in education, communication and education support curriculum and learning management division (CES- CLMD), ti nasao a proposal ket tapno mas maikkan iti gundaway dagiti studyante ken tapno matutukan ken mamaster dagiti studyante dagiti adadalenda.
Malaksid iti dayta, impeksana, a kurang pay ti kinasagana wenno readiness dagiti studyante nga agtrabaho kalpasan ti graduation.
Ti proposed enhanced curriculum para iti tawen 2025-2026 kadagiti Senior High School ket agbalin langenen a dua manipud iti uppat nga strands.
Dagitoy ket ti Academic ken Technical Professional (Tech Pro).
Manipud metlaeng kadagiti tallo pulo ket maysa a subjects, agbalin ton daytoy iti siyam agingga sangapulo ket dua laengen a subjects.
Nupay kasta, kasapulan pay a magna daytoy iti adu a revisions gaputa kasapulan paylaeng a maala ti suhestiyon ken sungbat dagiti maseknan.//Bombo Noveh Organo
