Inlawlawag ni Baguio Congressman Mauricio Domogan a ti pannakaideklara ti impeachment complaint kontra kenni VP Sara Duterte ket saanna a kayat a sawen a convicted daytoy.
Nupay kasta, adda ti imbesdensiya a mangipakita nga adda ti impeachable offense a naaramid ken posible nga adda ti basol ni VP Duterte.
Iti pannakiuman ti Bombo Radyo kenkuana, inlawlawagna a ti Senado laeng ti addaan iti biang a mangamiris ken mangbista iti kaso.
Innayonna pay a ti biang laeng ti lower house ket mangsukimat no adda ti probable cause.
Innayonna pay nga inaramid laeng ti lower house ti constitutional duty daytoy.
Kabayatanna, inlawlawag ti opisial a saan a dagiti miembro ti kongreso ti nangipila iti impleachment complaint no diket dagiti papadi, madre, abogado ken miembro ti civic society.
Impetteng ti opisial nga awan ti imparang ti bise presidente a counter evidence iti baet a naikkan iti naan-nay a gundaway.
Gapu iti dayta, naibasar ti desisyon dagitoy iti dokumento nga imparang ti complainant.
Kalpasan dayta, maisubmitir iti plenary ken pagbobotosanda no sadino, kasapulan ti 1/3 a botos a mangaprobar iti committee report ti justice committee.
Iti kanito a maala ti umdas a botos, maingato iti senado ken dagitoy metten ti agserbi kas impeachment court.
Maibasaar iti impeachment rules ti low house, kasapulan nga aksionan ti plenary iti saan a sumubra iti sangapulo nga aldaw manipud iti petsa a naisubmitir iti plenary.
Inlawlawag ti opisial a ti impeachment ket paset ti constitutional duty ti lower house.
Saanna a kayat a sawen a binaybay-an ti lower house dagiti kasapulan pay nga aramiden a kas iti pannakataming ti agdama nga epekto ti giera sadiay middle east.
Inyunanay-unay ti kongresista a saan a mabalin a taktakenda agsipudta, adda ti time limit amin a naidatag iti lower house.//mp4
