![](https://img.bomboradyo.com/baguio/2021/02/baguio-city-hall-3.jpg)
BAGUIO CITY – Nakatulong ti proyekto ti siudad ken ti Department of Public Works and Highways (DPWH) partikular ti pannakaimuntar ti 1.8 diameter pipe kadagiti kangrunaan a drainage iti siudad tapno maliklikan ti panaglayos.
Sigun kenni City Administrator Eng. Bonifacio dela Peña, partikular ditoy ti panakaimuntar dadakkel a drainage pipe sadiay Lake Drive ken Bike Area iti Burnham Park.
Impannakelna a naliklikan ti panaglayos iti baet ti napigsa a panagbayakabak ti tudo iti las-ud ti naglabas a tallo a lawas gapu iti nepnep.
Kinunana a dumanon laeng iti 30% ti linaon a dano ti manhole manipod kadagiti drainage nu sadinno adayo a dakkel ti naidumaanna kadagiti naglabas a panawen nangruna nu dumteng ti panawen ti panagtudtudo wenno bagyo.
Kabayatanna, impeksana ti kinapateg iti panakasukat iti baro a teknolohiya wenno kagawaan dagiti daanen a maar-aramat tapno maliklikan ti nakaro nga epekto daytoy.
Sigun kenkuana, narukod ti kalidad ti proyekto iti Burnham Park kabayatan ti agtultuloy nga epekto ti habagat.
Malaksid iti daytoy, manamnama a maituloy ti Phase 3 ti nasao nga proyekto inton 2023.
Inayon ti opisyal a maysa a bambantayanda ti nagbedengan ti siudad ken iti La Trinidad a pagay-ayusan ken pag-urnungan ti danom a posible a mangitunda iti nakaro a panaglayos
Impasiguradona met ti pannakitinulong ti lokal a gobierno iti La Trinidad ken dadduma pay a lugar seknan iti nasao a banag.