Impakaammo ti gobierno iti Pilipinas a naitudingen ti pannakapatriate dagiti 213 a Pilipino babaen iti commercial flights manipud Lebanon, ita a lawas.
Sigun kenni Migrants Workers Secretary Hans Leo Cacdac, naituding nga aglugan dagiti nasao a Pilipino iti nagduduma a commercial flights gapu ta marigatan dagitoy a mangibook iti adu a ticket iti maymaysa nga eroplano.
Kabayatanna, agarup uppat a gasut pay a Pilipino ti agur-uray iti clearance manipud iti Lebanese immigration sakbay a mabalin dagitoy a marepatriate.
Innayon pay ni Cacdac a 178 met kadagiti dadduma a Pilipino sadiay ti agdama nga agnanaed kadagiti temporary shelters idiay Beirut.
Impasiguradona met a mangipaay dagitoy iti tulong para kadagiti overseas filipino workers iti nasao a pagilian.
