Inyunay-unay ni Sen. Francis “Kiko” Pangilinan nga ilegal ti pannakawaya-waya dagiti minor de edad a nagaramid iti krimen.
Sigun kenkuana, subject iti interventions dagitoy.
Daytoy ti kinuna ni Senator Pangilinan kalpasan nga insingasing ni Sen. Robin Padilla ti pannakaamyendar ti juvenile justice law, pakairamanan ti pannakaibaba ti edad ti criminal responsibility.
Sigun kenni Senator Pangilinan nga author ti juvenile justice law, adda ti proseso ken adda ti panagsungbat dagiti minor de edad a naglabsing iti linteg.
Inlawlawag ti Senador nga adda ti addang tapno masigurado a saan a maulit ken adda metlaeng ti panagsungbat dagiti nagannak.
Innayon ni Pangilinan nga adda ti pagrebbengan ti gobierno babaen iti DSWD ken dadduma pay nga ahensia a mangipaay iti suporta kadagiti biktima ken pamiliada.
Daytoy ket kasaruno ti pannakaarestar ti dua a minor de edad kalpasan ti panangpalpaltog iti uneg ti pagadalan sadiay Tacloban City.//mp4
