Impaayan ni PBA Commissioner Willie Marcial iti memorandum ti TNT Tropang 5G tapno palagipan ti South Sudanese import ken sigud nga NBA player a ni Bol Bol iti responsibilidadna iti media interview ken pannakilangen-langen kadagiti fan.
Kasaruno daytoy iti panagkedked ni Bol Bol itay kallabes a sumango iti post-game presser kalpasan a nabigbig a Best Player of the Game.
Uray pay ti pannakikatungtong kenkuana ni TNT team manager Jojo Lastimosa ket saan a nakumbinsir ti South Sudanese import a mangipaay iti pannakiuman iti media ken inisnab metlaeng dagiti fan a kayatna a maki-appera kenkuana kalpasan iti nasao nga ay-ayam.
Pero sigun met kenni TNT coach Chot Reyes, posible a mabalin a baro kenni Bol Bol iti maaw-awatna nga atension kadagiti fan ken brand iti basketball kadagiti Pilipino.
