Inbilin ni Philippine National Police (PNP)Chief Police General Jose Melencio Nartatez, Jr. ti panangnayun kadagiti kapulisan a tumulong iti panagresponde iti epekto ni Bagyong Inday iti pagilian.
Nupay saan a direkta a naglandfall ti nasao a bagyo iti pagilian, nangitunda daytoy kadagiti landslides ken panaglayos partikular iti paset ti Visayas ken Mindanao a nangitunda iti ipupusay ti agarup 18 nga indibidual.
Sigun kenni Nartatez, agtaltalinaed latta nga aktibo ti Philippine National Police iti search and rescue operations, clearing operations, panangipaay iti ayuda, ken dadduma pay nga addang para kadagiti apektado ti kalamidad.
Immunan a nai-heightened alert status ti kapulisan iti pagilian para iti dagos a panagresponde kadagiti agkasulan iti tulong. //bombokaren.c.sapirao
