Siento por siento a nakaalerton ti Philippine National Police (PNP) ita nga aldaw kas panagsagana iti seguridad ti 2025 midterm elections.
Daytoy ket impasigurado ni PNP chief Police General Rommel Marbil.
Idi laeng kalman, kinuna ni Marbil nga addan dagiti “ground” dagiti kameng ti pulisia, ken dumanon iti 80% ket addan iti Bangsamoro Autonomour Region in Muslim Mindanao.
Kabayatanna, ti bilang ti validated election-related incidents (ERIs) ket ngimmato iti tallo pulo ket lima, maibasar iti datos ti Philippine National Police.
Kaaduan kadagitoy ket manipod iti Cordillera Administrative Region (CAR) nga addaan ti sangapulo ket maysa, simmaruno ti Bangsamoro Autonomous Region in Muslim Mindanao nga addaan ti walo ken Calabarzon nga addaan ti lima.
Tallo met ti validated election-related incidents (ERIs) ti naireport iti Zamboanga Peninsula, sagdua iti Visayas ken Davao Region, bayat a saggaysa iti Ilocos Region, Central Luzon, Eastern Visayas, ken Soccsksargen.
Iti agdama, manarimaan paylaeng ti panagberipikar ti PNP ti pito a mapapati a election-related incidents idiay Cagayan Valley, Bicol, Soccsksargen, CAR, ken Metro Manila.
