Mabigbigbig ti Philippine Science High School-CAR campus a masarakan sadiay Irisan, Baguio City a maysa kadagiti pagadalan iti pagilian a Pilipinas a mangsansanay kadagiti ubbing nga agbalin kas scientists, researchers, ken engineers.
Nopay kasta, saan paylaeng a naragpat ti pagilian a Pilipinas ti United Nations Educational, Scientific and Cultural Organization wenno UNESCO standard a rumbeng a ti bilang dagiti engineers, scientists, ken researchers kada one million a population ket 310 nga indibidwal.
Sigun kenni Department of Science and Technology -Cordillera Regional Director Nancy Bantog, nasurok kumurang 70 nga engineers, scientists, ken researchers kada one million a population ti agdama a sitwasyon iti pagilian a Pilipinas.
Gapu iti dayta, impeksana nga adayo paylaeng ti nasao a pagilian tapno naan-anay a maragpat ti standars ti UNESCO.
Kinuna ni Bantog a kas resultana, mangipapaayda iti DOST scholarship para kadagiti estudyante a panggepda nga ag pursue kadagiti science-related careers.
Daytoy ket tapno maipaayan iti solusyon ti nasao a gap, wenno manayunan pay ti bilang dagiti researchers, scientists, ken engineers iti pagilian.
Mangnamnama pay daytoy nga agtultuloy ti provision kadagiti scholarship programs nga ipapaay ti Departament of science and technology.
Innayonna a posible met a manayunan dagiti maipaayan ti scholarship kadagiti college undergraduate programs, masterals, ken PhD.
Inyunay-unayna a daytoy nga investment kadagiti estudyante ket kangrunaan nga addang ti DOST tapno maragpat ti UNESCO standard.
Kabayatanna, agtultuloy metlaeng ti panag-allukoyda kadagiti estudyante nga addaan iti abilidad ken laing kangrunaan kadagiti science subjects nga ag enroll ken ag apply iti scholarship program.
