Winaya-wayaaen dagiti kameng iti Royal Canadian Mounted Police ti Pilipina nga inarestarda ken ti daduma pay a kakadwa daytoy.
Ti Pilipina a nabigbig iti nagan a Romana Didulo ket self-proclaimed Queen of the Kingdom of Canada a maatap a mangguyguyugoy kadagiti umili a saan dagitoy nga agtulnog iti paglintegan iti Canada ken makikaykaysa laengen dagitoy ti aw-awaganna a kingdom.
Naarestar daytoy ken dagiti kakadwana babaen iti naipatungpal a search warrant iti lugar a maatap nga iligal a pagnanaedanna.
Sigun iti RCMP, naipatungpal ti raid kalpasan ti naipakaammo kadakuada nga addaan kadagiti armas ti pagnanaedan ti nasao a Pilipina.
Kabayatan ti nasao nga operasyon, narekober ti 13 nga imitation semi-automatic handguns, bala, ken daduma pay nga electronic devices.
