Naaddaan iti umuna a panagsarita ti Pilipinas ken China seknan iti posible a kooperasion iti oil ken gas iti West Philippine Sea, kagiddan ti panagsubli iti bilateral dialogue dagitoy tapno mapagsaritaan metlaeng ti panagsusupiat ti dua a gobierno.
Iti panagtaripnong iti Quanzhou, napagsaritaan ti kinapateg iti natibker a suplay iti enerhiya ken fertilizers, nangruna iti tengnga iti global tension.
Indauloan ti delegasion iti Pilipinas ni Undersecretary Leo Herrera-Lim ken ti China ni Vice Foreign Minister Sun Weidong.
Impagenetget ti Pilipinas ti posision daytoy iti maipapan iti baybay, karaman ti kinatalged dagiti Pilipino a mangngalap, ken ti panagsurot iti international law a kas iti UNCLOS ken 2016 arbitral ruling.
Immanamong ti dua a benneg a paregtaenda ti komunikasion ken talek iti maipapan iti baybay, ken manamnama a sumaruno pay iti daytoy ti panagtaripnong iti foreign ministers dagitoy ita nga aldaw.
