Nagsinnukat ti Pilipinas ken China iti “radio challenges” idi laeng kalman nga asideg ti Panata Island iti West Philippine Sea.
Daytoy ket kalpasan a naduktan ti BRP Andres Bonifacio ti maysa a Jiangkai class frigate nga addaan ti bow number 525 ken dua a militia vessel sakbay ti alas 8 ti bigat idi kalman bayat ti panagpatroliana iti baybay.
Dagos a nangisayangkat ti Philippine Navy vessel ti radio challenge, a saan met a dagos a sinungbatan ti barko ti China.
Addada iti uneg ti 4.6 nautical miles manipud iti barko ti China.
Sigun kenni BRP Andres Bonifacio commanding officer Lieutenant Commander Christian Malabanan, iti kanito a mangisayangkatda ti radio challenge, mangisayangkat met ti China iti radio challenge.
Nupay kasta, dagos met nga agsabali ti pagnaan ti barko ti China nu sadinno, agturongda iti Subi Reef.
