Kinumpirmar ti Department of Health (DOH) a dumanon iti 220 ti bilang dagiti indibidual a pimmusay gapu iti leptospirosis ita a 2026.
Sigun kenni DOH Disease Prevention and Control Medical Officer Dr. Anne Dominique Asis-Matuba, nakailista dagitoy iti 3,440 a kaso ti leptospirosis manipud Enero agingga Agosto 8, 2026.
Gapu iti dayta, agpalpalagip ni Asis-Matuba iti publiko nga aramiden dagiti safety precautions.
Pakairamanan ti panagbuggo babaen iti sabon ken nadalus a danum, panagisuot kadagiti botas, ken proteksyon kadagiti open wounds no saan a maliklikan ti panangbaddek iti layus.
Kabayatanna, kinuna ni Asis-Matuba a libre a maipapaay ti antibiotic doxycycline kadagiti nagduduma a health centers iti pagilian.