--Ads--
Pimmusay ti pito a suspek sadiay Davao City kalpasan nga indeklara ni Mayor Sebastian “Baste” Duterte ti “war against drugs” iti nasao a lugar manipud idi Biyernes.
Daytoy ket maibasar iti datos ti Philippine National Police (PNP).
Sigun kenni Duterte, no saan nga agsardeng dagiti indibidual iti panagusar iti droga ket adda a patayenna dagitoy.
Dumanon met iti walo a pulis ti naikkat iti posisyon dagitoy sadiay Davao gapu iti panakairamanda iti anti-drugs operations.
Kabayatanna, mangisaysayangkat ti Philippine National Police Internal Affairs Service ti imbestigasyon no natungpal dagiti police operational procedures iti panakaipatungpal dagiti buy-bust operations.
