Naduktalan ti ilegal nga operasyon iti pito a piggery ditoy syudad kalpasan ti naisayangkat a joint inspection idiay Fairview Barangay.
Kalpasan daytoy a nakaawat iti reklamo iti City Engineering Office iti narugit ken saan a nasayaat a panagibelleng kadagiti rugit iti baboy ken basbasura kdagiti creek idiay Purok 7, Sunnyside a mangituntunda iti nasangir nga angut iti lugar.
Gapu iti dayta, nagballaag manen ni Baguio City Mayor Benjamin Magalong kadagiti ilegal nga agtartaraken iti baboy nga maiparit daytoy aglalo kadagiti highly-urbanized area kas nailanad iti Magna Carta for Homeowners and Homeowners Association; Philippine Water Act; Clean Air act; ken environment code iti syudad.
Karaman kadagiti maipaay a dusa ti demolisyon dagiti pigpen, pannakakumpiskar dagiti baboy, ken pannakaipila iti criminal charges.
Nu pay bimmaba ti bilang dagiti agtartaraken dagiti baboy kalpasan a naipaulog ti total closure dagiti piggery idi 2020, nagsubli dagitoy idi panawen iti pandemya.
