Agraraira ti “warrant of arrest” scam iti pagilian a Pilipinas nu sadino makaaw-awat ti publiko iti text a dagitoy ket addaan iti kaso.
Kadagiti nasao a texts, nakalanad dagiti nagan dagiti Philippine National Police officers, dagiti opisina dagitoy, ti panakaipaay ti warrant ken subpoena, rason nga agparparang nga agpayso daytoy.
Gapu iti dayta, nagballaag ti Philippine National Police (PNP) iti publiko a saan dagitoy a mamatmati iti nasao a banag agsipud ta saan a maipapaay ti warrant of arrest babaen iti texts nu diket babaen iti liason officer.
Sigun iti Philippine National Police, dagiti text scams ket kadawyan nga agus-usar iti saan nga agpayso nga impormasyon kasta met a saan a nasayaat ti grammar dagitoy.
Innayon ti nasao nga ahensiya a paset ti modus ti “warrant of arrest” scam ket ti panagkiddaw dagitoy iti kwarta tapno saan a matuloy ti panakaipaay ti warrant of arrest.
Kabayatanna, kinuna ti Philippine National Police a nu madanagan ti maysa nga indibidual kadagiti texts scam a naawatna ket mabalin nga agturong daytoy iti korte para iti kompirmasyon.
