Pinaglibakan ti Philippine National Police (PNP) dagiti report maipapan iti panangkidnap kadagiti “high-profile business personalities” ken namakdaar a ti panangiwaras iti palso a damag ket maysa a kriminal a basol.
Sigun kenni PNP chief Gen. Rommel Francisco Marbil, awan ti kinapudnona dagiti report seknan iti mapapati a kidnapping kadagiti “business personalities.”
Kinunana a manarimaan ti panangduktalda iti nagtaudan ti palso nga impormasion nga agrwarwaras iti social media.
Itay laeng napalabas a bulan, nakairekord ti Philippine National Police ti adu a kaso ti kidnapping, a dadduma kadagitoy ket nakairamanan dagiti Chinese nationals kas biktima.
Itay nabiit, nairekord iti pagilian ti panangkidnap ken panangpapatay iti Filipino-Chinese businessman a ni Anson Que, a naduktalan a pimmusay sadiay Rodriguez, Rizal.
Immunan a nagbalakad ti anti-crime advocacy group a Volunteers Against Crime and Corruption a ti “panagsubli” dagiti kaso a kidnap-for-ransom ditoy Pilipinas ket mabalin a mangdangran iti ekonomia ti nasion.
