--Ads--
Idagdagadag ni Pope Francis iti pagilian a Lebanon a dagus a mangbutos iti baro a presidente, tapno makapagandar manen dagiti institusion a mangiturturay iti pagilian.
Sigun kenni Pope Francis, dagiti institusion ti Lebanon ket kasapulan nga agtignay ken normal nga aramidenda dagiti trabahoda ken masustiner ti akem ti nasao a pagilian.
Maipalagip a kiniddaw ni Lebanese parliamentary speaker Nabih Berri ti presidential election inton Enero 9 tapno agpatingga ti dua a tawen nga awan ti nagtugaw iti puesto.
Ti pagilian a Lebanon ket awanan iti presidente sipud idi nagleppas ti termino ni Michel Aoun idi Oktubre 2022.
