Naragsak a pinasangbay ni President Ferdinand ”Bongbong” Marcos Jr. idi kalman ti walo a baro a “non-resident ambassadors” manipod iti nagduduma a lugar ken impasiguradona a mapasayaat pay ti “bilateral cooperation” iti nagduduma a pagilian.
Karaman kadagiti nagparang ket da Ibrahim Bileh Doualeh, non-resident ambassador-designate of the Republic of Djibouti; Jagdishwar Goburdhun, G.O.S.K., Republic of Mauritius; Farhod Arziev, Republic of Uzbekistan; ken Hassan Abdelsalam Omer, Republic of Sudan.
Malaksid iti dayta, pinasangbay pay ni President Marcos Jr ni Major General Gotsileene Morake, non-resident ambassador-designate of the Republic of Botswana; Mait Martinson, Republic of Estonia; Morecome Mumba; Republic of Zambia; ken Abdelhafid Bounour, People’s Democratic Republic of Algeria.
Iti panangawat ni President Marcos iti ambassador ti Estonia idiay Malakanyang, inyebkasna ti namnamana a maituloy ti Pilipinas ti panagsarita maipapan kadagiti isyu ti seguridad iti European nation.
