Namnamaen ni President Ferdinand Marcos Jr. nga agsubli iti normal ti operasion iti Senado kalpasan a nabutosan ni Sen. Sherwin Gatchalian kas Senate President.
Pinadayawan metlaeng ni President Marcos ti nasayaat a pannakaisayangkat iti special session idi Hunio 17 ken impaganetgetna a napateg a maipasa dagiti prayoridad a singasing a linteg ken appointment a naitantan gapu iti saan a panangisayangkat iti session iti Senado.
Kabayatanna, kinuna iti Presidente a suportaranna nu siasino man ti pilyen iti Senado kas presiding officer iti impeachment court para iti kaso ni Vice President Sara Duterte, la kitdi ligal ken maitunos iti Konstitusion ti proseso.
Sigun kenni Gatchalian, saan pay a napagsasaritaan dagiti senador ti panagpili iti presiding officer ken agtaltalinaed a Senate President ti mangidaulo malaksid nu mangikeddeng ti Senado iti dadduma.
