Impakaamo ti Presidential Communications Office nga impaimadan ti otoridad kadagiti local chief executives wenno dadaulo ti lokal a gobierno a mangikeddeng ti pannakasuspindir ti klase ken trabaho nangruna dagiti naapektaran a lugar.
Daytoy ket iti baet ti epekto ti Super Typhoon Pepito iti nadumaduma a paset ti pagilian a Pilipinas.
Maibasar iti impaulogda nga statement, nakalanad a ti mangsuspindir ti klase ken trabaho ket nakadepende iti lokal chief executives, kas resulta ti panagkonsultada kadagiti maseknan nga ahensia ti gobierno ken ti National Disaster Risk Reduction Management Council (NDRRMC).
Ti desision ti Presidential Communications Office ket naaramid kalpasan nga inkonsidera ti nasao nga opisian ti sitwasion ti maseknan a lokalidad.
